Akhbar Atas Talian No 1 Borneo

Pahinsuupan nu talu Lalansanon anunggul ra kasingkatan nu pamahuman Tenom

0

TENOM (Sabah, Malaysia) — Lalansanon (ADUN) Kemabong Jamawi Jafaar alansan ra pahinsuupan nilo talu ri Datuk Peter Anthony (ADUN Melalap am Noorita Sual (MP Tenom) akaalap anunggul apasingkot ra pamahunan hitu.


Jamawi am andu tinumavi ra ulun asuang inatong ra Hari Raya hinili.

E Jamawi anginsuhut e Datuk Peter Anthony Mantiri Kasingkatan nu alun-alun (Menteri Pembangunan Infrastruktur) akalaap anginsuup apasingkot ra pamahunan Tenom, Melalap am Kemabong.

Rahu kono ri Jamawi asuang po kasingkatan auma huhuangon am vaalon ra pamahunan hitu, ia hino sangkul, pahun nu amahun navatikan ra e kasih am vokon-vokon poyo.

Iso inindahu ra hitu ra paat no kivalaan nu angangaho ra paat nu Hari Raya nilo ri Peter an Noorita Sual ra Dewan Kompleks Sukan ra hitu ra orou Koonom nakasail.


Peter sinumindangan ra ulun inatong.

E Noorita pono ra paat no kinivalaan ra paat nohondo inindahu, iso pono am anunggul ra kasingkatan ikaa poyo nopongo ra pamahunan nu Tenom tu

Rahu kono iso apakaulu haling ra pipiton nu sungoi atungkov kono yu ra maar nu Pusor Kaulayan Murut Sabah (Pusat Kebudayaan Murut Sabah) hio ra Pulong am kula-kula po pipiton nu sungoi Poros (Pedas) am Pahalan (Pegalan).

“Kinavaalo kapo am kapahanan kono hiatu aparol vaalon apasi” rahu no.

Paat ra Hari Raya nilo hinili akasail ra 8,000 ulun nansalinut bansa am ugama inatong. 

 511 total views,  1 views today

Leave A Reply

Your email address will not be published.