Akhbar Atas Talian No 1 Borneo

Pasiluluman Opokoonsoi ra kinavaalo nu pamahunan – Azman

0

KENINGAU (Sabah, Malaysia)– Pansiluluman nu ulun nansalinut ra bansa am ugama opokoonsoi ra kinavaalo nu pamahunan.

Lalansanon pangimuunan nu Parti Peribumi Bersatu Malaysia (PPBM) Keningau Azman Haji Ruslan inindahu, kaansayan nu kaayahan nu nansalinut ra bansa am ugama apakaluoi ra parinta apasingkot ra pamahunan hitu (Malaysia)


Azman (kalimo intor ra pamiris) am Jamawi (kalimo intor ra kait) nakihambar ra kula-kula tambului no

Rahu kono ri Azman, onsoi po kinavaalo nu pamahunan, siung nu vavaas nu parinta apasingkot ra ulun kinasuango aluoi kasauk am katamimis.

“Hitu nga kinavaalo aulu vonsoi maan nu PPBM inanggoi nu Perdana Menteri Tun Dr Mahathir Mohamad am Parasidin no Tan Sri Muhyidin Yassin” rahu no ra angangaho ra paat nu Hari raya nilo sansulapan ra Kampung Bayangan ra orou Minggu.

Rahu kono ri Azman, iso pono sangulun lalansanon nu PPBM am asiha ra amahun nansalinut ra bansa am ugama ra pamahunan hitu ansilulum am saumi languson.

“Kono po itaka asauk ra angayur ra ulun amahun ra pamahunan, hitu nga maan taka apasimpung am ampasilulum ra ulun ayuron taka” rahu no.

Ra paat hinili pono e Azman napasuku ra paninkuanangan no ra parinta Pakatan Harapan (PH) inanggoi ri Tun Dr Mahathir Mohamad am Tan Sri Muhyidin Yassin nanganggoi ra parinta nasisimpungan am Warisan Sabah inanggoi nu Katuaan Menteri Sabah e Shafie Apdal ra ilo nanuus ra kaansayan nu pamahunan.

Iso pono nainsuatan ra Katuaan nu PPBM Sabah e Datuk Haji Hajiji Nor nanilu am nangayur ra tinganai-tinganai nu PPBM ra livung nu pamahunan itu mimaar ra rayat am apasauk ra parti kasihaan nu kinasuango 

E Azman pono naansukanan ra ulun nansalinut ra bansa am ugama inatong ra Hari Raya nilo am rahu kono intantangan nu ulun asuang vonsoi nanatandu ra pansiluluman am kaansayan nu kaayahan ra pamahunan hitu.

Nakasimpung ra Hari Raya hinili Lalansanon (ADUN) Bingkor Robert Tawik,  Lalansanon (ADUN) Kemabong Jamawi Jafaar, Tinganai Serikandi PPBM Keningau Hajah Amelia Ajun, Tinganai Armada PPBM Keningau Rafie Robert am kula-kula ulun maayo ra inggalan.

 963 total views,  1 views today

Leave A Reply

Your email address will not be published.