Akhbar Atas Talian No 1 Borneo

Piroton pampahakaan hama no pono ansusuai pulitik vayaan – Datuk Bobbey

0

NABAWAN (Sabah, Malaysia) — Ulun mamahun ra pamahunan hitu vinalaan hili ilo apapirot ra pampahakaan an pahaluluman hama no pono nansusuai pulitik vinayaan.

Bobbey (nahintanga nanturung, Elron (kait), Ghani (pamiris) nakihambar re Ansom sansulapan am pahaka-pahaka no inatong

Lalansanon nu pamahunan (ADUN) Nabawan Datuk Bobbey Suan inindahu, pampahakaan ikaa lirain am paie vukato ra kuvayau nu pulitik.

Rahu kono, hama no pono nansasalang pulitik vinayaan pampahakaan am pansisiranganan ikaa vukaton ra sangulun am vokon.

E Bobbey  poyo anganggoi ra usin (Bendahari) nu Parti Peribumi Bersatu Malaysia (PPBM) pamahunan nu Pensiangan inindahu ra pambalaan hitu paat no inuoi ra orou maayo Hari Raya Aidilfitri ri Ansom Putiang sansulapan ra Kampung Murni D, Nabawan ramaie li.

Ansom (apat intor ra pamiris), andu noh Jamilah Apas (tengah) am anak-anak no nakihambar ra pahaka-pahaka nilo inatong

Maya poyo ra rahu ri Bobbey, sino ulun angkulalat am amukat ra pampahakaan am pansisiranganan akuvayauan ra pulitik.

“Kinavaalo hitu ikaa onsoi am intawaian taka aulu po ra itaka sangakaan am liliaan nu namahun ra pamahunan hitu” rahu no.

Suai intor ra lilian am rangan-rangan ri Ansom sansulapan, lalansanon nu pamahunan (ADUN) Sook Datuk Ellron Alfred Angin am lalansanon nu Dewan Negara Senator Datuk Ghani Yassin inatong ra Hari Raya hinili.

 481 total views,  1 views today

Leave A Reply

Your email address will not be published.